Gusto kong umiyak, nagsisikip ang dibdib ko, ngunit ang luha ayaw pumatak, nandito lang sa paligid ng mata ko, at pakiramdam ko parang puputok ang puso ko sa dalamhati na nararamdaman ko. Hindi kita masisi, dahil ako lang lahat ang nagbuo ng mga "akala" sa sarili ko,nilunod ko ang sarili ko sa pangangarap , kaya umasa ako na dumating na ang oras upang tayo ay magkasama. Akala ko ako pa rin ang iyong hinihintay ... at kahit ngayon kahit sabihin kong tinatanggap ko , sa puso ko alam kong iyon ay hindi tottoo, gusto kung sumigaw, gusto kong tawagin ka, gusto kong sa harap ko sabihin mo na wala na ang pagmamahal mo sa akin ngunit malayo ka sa akin, may distansya sa pagitan nating dalawa, Narito ako nagiisip kung sana ay naalala mo ako, maalala mo ang dati nating pagmamahalan, ang mga ginawa natin para lamang tayo magkita,ngunit binago na siguro ng panahon damdamin mo, akala ko kahit kailan hindi ako nawawala sa pagiisip mo, akala ko na kung ako ang unang maghahanap at makatagpo sa iyo ay hahanapin mo rin ako, akala ko pag nangyari yon, ay di mo na ako pababayaang mawala pa,akala ko ay magkakasama na tayo hanggang sa ating pagtanda. Ngunit nasaan ka?... naiisip mo pa ba ako?...Katulad ba kita na kumikirot ang puso sa pagiisip at sa pangungulila? Kung alam mo lang na naghihintay lang ako na sabihin mong"halika na mahal ko umuwi ka na, maghinhintay ako, oras na para tayo magkasama" Sa imahinasyon lang pala mangyayari ang lahat lahat...At ang panaginip ko na hindi mag abot ang ating mga kamay hanggang tuluyan kang naglaho ay nagkaroon ng kahulugan.. matatangap ko ba na hindi tayo karapat dapat sa isat isa?, kung hanggang ngayon ay ikaw pa rin ang nasa puso at isipan ko.
Malayo at mataas na ang iyong narating aking mahal, sa iyong pamumuno umaasa ang ating bayan... Sila ang pinili mo, isinusi mo ang pag-ibig na kahit kelan hindi mo na bubuksan, hindi ko matatanggap na hindi tayo sa isat isa... sa huling pagkakataon pinagtagpo tayo.. sa huling pagkakataon akala ko ay may damdamin ka pa rin sa akin.. sa huling panahon... maiiwanan ako ng isang damdamin na hindi ko makakalimutan sa buong buhay ko at iyon ay ang una kong pagibig... iyon ay IKAW
No comments:
Post a Comment